Loading…

Për herë të parë Kosova bëhet me treshe të gjyqtareve që pajisen me stemën e FIFA’së

  • 24/01/2023 | 13:52

Për herë të parë Kosova bëhet me treshe të gjyqtareve që pajisen me stemën e FIFA’së

Federata e Futbollit e Kosovës (FFK) ka njoftuar se sot u janë dorëzuar stemat e FIFA’së 16 gjyqtarëve të cilët janë licencuar për garat ndërkombëtare, transmeton Gazeta Metro.


Siç thuhet në njoftimin e FFK’së kryetari Agim Ademi dhe kryetari i Komisionit të Gjyqtarëve, Përparim Hasani kanë pritur sot 16 gjyqtarët e licencuar.

”Vit pas viti numri i gjyqtarëve kosovarë me stemë të FIFA-s është rritur, derisa për herë të parë Kosova është bërë edhe me treshe të gjyqtareve, pasi tashmë krahas Lumturije Muhadrit janë licencuar edhe Rita Vehapi, si gjyqtare kryesore dhe Fitore Govori si asistente,” thuhet në njoftim.

Mirëpo, te Vehapi FFK’ja ka bërë një lëshim teknik pasi që në listën e gjyqtarëve të licencuar shihet se ajo është futur në listë me asistentët.

Kujtojmë se një nga gjyqtaret më me perspektivë në vendin tonë kishte dhënë një prononcim për Gazeta Metro rreth kësaj arritje.

Ajo kishte thënë se është ”ndjenjë e papërshkrueshme”, teksa foli edhe për vështirësitë e referimit në Kosovë dhe objektivat e saj.

Njoftimi i plotë nga Federata e Futbollit e Kosovës. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë