Loading…

Përfundon seanca gjyqësore: Liburn Aliu deklarohet i pafajshëm për akuzën e keqpërdorimit të detyrës zyrtare

  • 30/04/2021 | 11:00

Përfundon seanca gjyqësore: Liburn Aliu deklarohet i pafajshëm për akuzën e keqpërdorimit të detyrës zyrtare

Në Gjykatën Themelore të Prishtinës ka përfunduar seanca e shqyrtimit fillestar në rastin e ministri i Mjedisit dhe Planifikimit Hapësinor dhe Infrastrukturës, Liburn Aliu i cili po akuzohet për veprën penale keqpërdorim të detyrës zyrtare gjatë periudhës sa ishte drejtor i Urbanizmit në Komunën e Prishtinës.


Bashkë me Aliun, të akuzuar janë edhe Ardian Olluri, Nazife Krasniqi, Bahtie Uka, Mimoza Berisha Prestreshi si dhe Zejnulla Rexhepi.

Të gjitha palët e akuzuara u deklaruan të pafajshëm për veprat të cilat i ngarkon aktakuza.

Prokurorja e rastit, Dulina Hamiti derisa e ka lexuar aktakuzën sipas të cilës thuhet se të akuzuarit në cilësinë e personave zyrtar kanë keqpërdorur autoritetin zyrtar nuk e kanë zbatuar planin zhvillimor urban.

Ardian Olluri, Bahtije Uka dhe Mimoza Berisha-Prestreshi në cilësinë e personave zyrtar nuk kanë zbatuar vendimin të ministrisë së mjedisit dhe aktvendimin e gjykatës themelore në Prishtinë dhe atë të Apelit.

Kryetari i trupit gjykues, Alban Ajvazi mori aktvendim që shqyrtimi i dytë fillestar të mbahet më 7 qershor nga ora 10:00.

Seanca e kaluar dështoi pasi në shqyrtimin fillestar nuk ishte e pranishme e akuzuara, Bahtije Uka e cila kishte probleme shëndetësore.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë