Përleshje, të shtëna armësh dhe therje në Prishtinë

Në afërsi të shkollës ekonomike në Prishtinë, afër Fakultetit të Bujqësisë, ka pak momente që janë dëgjuar disa të shtëna me armë.

Kjo si pasojë e një përleshje që ka ndodhur mes disa personave.

Përleshjen e ka konfirmuar edhe zëdhënësja e Policisë së Kosovës Flora Ahmeti, por nuk ka konfirmuar se a ka pasur të shtëna apo jo, transmeton gazetametro.net.

Nga kjo përleshje ka mbetur një person i therur me thikë dhe është dërguar për në Qendrën Klinike Universitare të Kosovës.

Ahmeti tha për gazetametro.net se Policia është në vendin e ngjarjes dhe tani po shoqëron dy persona të dyshuar për në stacionin policor./gazetametro.net