Përmbyset kamioni në rrugën Elbasan-Peqin, vështirësohet qarkullimi

Një kamion që transportonte materiale ndërtimore është përfshirë në një aksident në aksin rrugor Elbasan-Peqin, duke shkaktuar pengesa për qarkullimin e automjeteve, përcjell Gazeta Metro.

Deri tani nuk janë bërë të ditura detaje të plota për rrethanat e ngjarjes, ndërsa mbetet e paqartë nëse ndonjë person ka pësuar lëndime.

Në vendin e ngjarjes kanë dalë forcat e policisë, të cilat po punojnë për të përcaktuar shkaqet e aksidentit dhe po kujdesen për menaxhimin e trafikut në këtë pjesë të rrugës.

Hetimet për rastin janë duke vazhduar./gazetametro.net