Përmbytjet në Mat: Gjendet makina, por jo babai i 4 vajzave

Gjendet makina e babait të 4 vajzave. Rreth orës 17:30, Policia dhe banorët e shumtë të Bazit dhe Klosit kanë pikasur makinën e Xh.Ndojit në thellësi të ujërave të lumit Mat, Fillimisht u raportua se 43-vjecari po lëvizte me automjet kur është marrë nga rrjedha e ujit, teksa po shkonte drejt një HEC-i privat.

“Kemi zbuluar në rrjedhën e Matit makinën që posedonte 43-vjeçari çfarë fakton se ai është mbytur. Mjeti është në honet e lumit. Dukej e dëmtuar rëndë”, thanë zyrtarë të Policisë të cilët tashmë kanë ndalur kërkimet.

Ata dëshmojnë se babai i katër vajzave është rrëmbyer nga rrjedha e fuqishme e lumit të Matit.