Përurohet Fabrika në Shkabaj, Prishtina me 24 orë ujë

Tash e pas kryeqyteti do të ketë ujë 24 orë. Kjo për shkak të përurimit të sotëm të Fabrikës për përpunimin e ujit në fshatin Shkabaj.

Në këtë ceremoni u tha që kjo fabrikë do ta rrisë kualitetin e jetës për qytetarët e Prishtinës dhe Obiliqin.

Kryeshefi i Kompanisë Rajonale të Ujësjellësit “Prishtina”, Ilir Abdullahu, gjatë përurimit tha se me lëshimin në përdorim të kësaj fabrike do të mundësohet një furnizim i qëndrueshëm me ujë.

Kryetari i Kuvendit, Kadri Veseli tha se kjo fabrikë do ta rrisë kualitetin e jetës për qytetarët e Prishtinës dhe Obiliqin. Ai tha se tash e tutje Prishtina nuk do të jetë narrativë për mysafirët se pas orës 24:00 do të ndalet uji.

Veseli shtoi se edhe shumë qytete tjera kanë probleme me ujë dhe se duhet të angazhohen për zgjidhjen e atij problemi.

E kryeministri Isa Mustafa theksoi se është kënaqësi që po zgjidhin problemet me të mëdha për qytetarët siç është uji, ngrohja qendrore e tjera.