Përzierja e Thaçit te shqiptarët e Maqedonisë, abuzim

Kryetari i degës së AAK-së në Podujevë, Fatmir Humolli ka thënë se dekorimi i dhjetëra njerëzve në Maqedoni nga presidenti Hashim Thaçi është abuzimi më i madh që ka bërë dikush.

“Përzierja e Hashim Thaçit te shqiptarët e Maqedonisë në kohë të fushatës parazgjedhore dhe dekorimi i dhjetëra njerëzve, në mesin e të cilëve edhe të disave njerëzve që kurrë nuk e kanë ndihmuar me asgjë Kosovën, është abuzimi më i madh i institucionit të Presidentit të Kosovës, që e ka bërë dikush”  ka thënë Humolli.

Ai është ka theksuar se nëse Thaçi merr anë në fushatën zgjedhore në Maqedoni, kjo do të ishte skandal shtetëror dhe futje e përçarjes mes shqiptarëve të atjeshëm.

“Duke e gjykuar këtë si dëmtim të interesave shqiptare në Maqedoni, pres që ai ditëve në vijim t’i takojë të gjitha partitë shqiptare në Maqedoni dhe t’u kërkojë falje për këtë ndërhyrje. Në të kundërtën, ai mbetet simboli i turpit dhe përçarjes për shqiptarët e Maqedonisë”./gazetametro.net