Loading…

Pesë viktima nga sulmi me hark dhe shigjeta në Norvegji

  • 14/10/2021 | 09:00

Pesë viktima nga sulmi me hark dhe shigjeta në Norvegji

Pesë persona janë vrarë dhe dy të tjerë janë plagosur në Norvegji, pasi një burrë i sulmoi ata me hark dhe shigjeta.

Ngjarja ka ndodhur mbrëmjen e djeshme rreth orës 18:13, me orën lokale në qytetin Kongsberg në jug-perëndim të kryeqytetit Oslo.

Policia ka arrestuar një 37-vjeçar danez, i cili dyshohet për kryerjen e sulmit. Sipas Policisë besohet se ai ka vepruar vetëm, ndërkohë që po vijojnë hetimet nëse ky ishte një akt terrorizmi, tha një zëdhënës.

Për ngjarjen ka reaguar edhe kryeministrja Erna Solberg, e cila tha se raportet për incidentin ishin “tmerruese”.

Mediat vendase raportojnë se sulmi ka nisur brenda një supermarketi Coop Extra në anën perëndimore të Kongsberg. Një nga të plagosurit ishte një oficer policie jashtë detyrës, i cili ishte në dyqan në atë kohë, por fatmirësisht asnjë nga stafi i supermarketit nuk është lënduar.

Raportohet se ka pasur një konfrontim me policinë para se 37-vjeçari të arrestohej, 34 minuta pasi filloi sulmi./A2

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë