Loading…

Pesë zyrtarë të Ministrisë së Shëndetësisë në bankë të akuzuarve

  • 24/03/2017 | 08:06

Pesë zyrtarë të Ministrisë së Shëndetësisë në bankë të akuzuarve

Ish-kryeshefi i Agjencisë Kosovare për Produkte Medicinale (AKPM), Ilir Dushi, dhe katër zyrtarë të tjerë të Ministrisë së Shëndetësisë do të dalin para gjykatës për keqpërdorim të detyrës zyrtare në lidhje me lëshimin e një certifikate për fabrikën e barnave “Tre Pharm”.


Kryeinspektorja farmaceutike, Remzije Thaçi, inspektorët Rifat Muriqi e Lendita Fetahaj si dhe udhëheqësja e Departamentit të farmacisë në Ministrinë e Shëndetësisë, Lindita Avdyli, së bashku me ish-kryeshefin Dushi akuzohen se ia kanë lëshuar fabrikës “Tre Pharm” certifikatën për Praktikë të Mirë të Prodhimit (PMP) pa nxjerrë ende Udhëzim Administrativ për këtë çështje ndërsa një vit më vonë kanë refuzuar ta certifikojnë fabrikën “Prima Pharm” me arsyetimin se nuk kanë bazë ligjore për t’ia lëshuar një certifikatë të tillë, shkruan sot Koha Ditore.

Në bazë të këtij raporti në aktakuzë thuhet se kryeshefi i atëhershëm i AKMPS-së, Ilir Dushi, kishte lëshuar certifikatën e PMP-së.

Në kohën kur i është lëshuar kjo certifikatë “Tre Pharmit”, Kosova nuk ka pasur ligj për certifikim në PMP. Udhëzimi Administrativ për këtë çështje është miratuar në gusht të vitit 2013.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë