Disa pjesëtarë të misionit të NATO-s në Kosovë, KFOR, janë duke u trajtuar në një spital në Prishtinë.
Kjo vjen pas lëndimeve që kanë pësuar në Zveçan, komunë në veri të Kosovës, e banuar me shumicë serbe.
Atje, ata janë përleshur me serbët lokalë, të cilët kanë kundërshtyar hyrjen e krytarit të ri në ndërtesën e komunës, ku si për pasojë janë lënduar një numër i madh i pjestarëve të KFOR-it.
Kujtojmë që sot 41 janë plagosur gjithsej sipas të përditshmes italiane Corriere della Sera e cila thekson se 11 prej tyre janë pjesëtarë të njësiteve italiane. Nga 11 italianët 3 prej tyre janë të plagosur rëndë por jashtë rreziku për jetë. Ata kanë pësuar fraktura dhe djegie si pasojë e sulmeve me koktej molotovi dhe goditjeve me mjete të forta.
Në protestën që eskaloi në dhunë pasditen e të enjtes në rendin e parë të perimetrit të sigurisë ishin ushtarë të policisë ushtarake të KFOR me pjesëtarë nga shumë shtete. Raportohet se në operacion prezent ishin ushtarë nga SHBA, Hungaria, Italia e Hungaria.
Pjesëtarët e policisë së Kosovës ishin në rrethin e dytë të perimetrit të sigurisë afër ndërtesës së komunës.
Ndaj ushtarëve janë hedhur kokteje molotovi, gurë e shishe siç shihet edhe nga pamjet. Një veturë civile poashtu është djegur.
Trazirat nisën rreth orës 16:00 kur protestuesit refuzuan urdhrin e KFOR që të shpërndahen pas protestës që eskaloi në dhunë pas tentimit të serbëve lokalë të çajnë barrikadën