Po votohet për president të AKR’së, Behgjet Pacolli kandidati i vetëm

Komisioni Zgjedhor i Aleancës Kosova e Re, njofton se procesi zgjedhor për votimin e Presidentit të AKR-së është duke vazhduar në mënyrë të rregullt

Vendvotimet nëpër të gjitha degët e AKR-së, janë të hapura ndërsa deri më tash nuk është raportuar për ndonjë parregullsi. Vendvotimet do të vazhdojnë të jenë të hapura deri në orën 19:00.

Gjithashtu, për t`ia mundësuar votimin anëtarësisë se AKR-së në të gjithë Kosovën, ekipet mobile të organizuara nga degët vazhdojnë me grumbullimin e votave në terren.

Komisioni zgjedhor bën të ditur se edhe votimi në mënyrë elektronike, vazhdon të mbetet i hapur deri në orën 17:00.

Komisioni zgjedhor i AKR-së njofton se deri në orën 12:00, nga të dhënat paraprake nga degët, në votimin fizik kanë marrë pjesë rreth 10,000 persona.

Aleanca Kosova e Re falënderon Komisionet komunale zgjedhore për mbështetje logjistike të këtij procesi, ndërsa në orët e pasdites, Aleanca Kosova e Re do ta publikojë numrin e saktë të personave që kanë votuar në këtë proces zgjedhor. /gazetametro.net