Loading…

Polici kosovar që u kap duke kryer marrëdhënie seksuale në orar të punës ka gradën kapiten

  • 05/08/2020 | 12:47

Polici kosovar që u kap duke kryer marrëdhënie seksuale në orar të punës ka gradën kapiten

Një zyrtar i lartë i Policisë së Kosovës, me gradën kapiten, është zënë gjatë orarit të punës në një motel në qytetin e Prizrenit.


Sh.K. (emër i njohur për redaksinë), është kapur nga Inspektoriati Policor, në një nga motelet e Prizrenit, duke kryer marrëdhënie seksuale.

Burime të Gazeta Blic, bëjnë të ditur se në momentin kur zyrtari policor kishte qenë duke kryer marrëdhënie seksuale, kishte qenë në detyrë zyrtare, madje edhe me uniformë.

E gjithë ngjarja ka ndodhur të martën rreth orës 17:00 të pasditës.

Inspektoriati e ka suspenduar zyrtarin policor për këtë gjest, teksa priten të merren vendime të tjera ndaj tij.

Gazeta Blic ka folur me zëdhënësin për Informim në Stacionin Rajonal të Prizrenit, Shaban Osmanollaj, por që i njejti nuk ka dashur të flas.

Ai ka kërkuar të pyetet zyra për informim në Inspektoriatin Policor, por që të njejtit nuk janë përgjigjur.

“Për këtë nuk mund të flas unë. Nuk jam kompetent. Zyra për informim në Inspektoriatin Policor mund të deklarohet”, ka thënë shkurt Osmanollaj.

Gazeta ka provuar të vë kontakt edhe me ish-zyrtarin policor që u zu gjatë orarit duke kryer marrëdhënie seksuale në Motel, por që as ai nuk u është përgjigjur thirrjeve.

Kjo nuk është hera e parë kur zyrtarët policor përfshihen në skandale të tilla seksuale.

Gazeta do ju mbajë të informuar lidhur me këtë skandal, gjithmonë duke e ruajtur privatësinë e personit, deri në konfirmimin zyrtar nga ana e përgjegjësve për informim brenda Policisë së Kosovës.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë