Policia arrestoi dy të dyshuar, shantazhonin gruan me publikimin e videove intime

Policia e Kosovës ka njoftuar se ka arrestuar edhe personin e dytë, në lidhje me dyshimet për shantazh, ndaj një viktime, femër kosovare, e cila po shantazhohej, me publikimin e disa videove të saj me përbajtje intime.

Dy të arrestuarit, janë të moshës 30 vjeçare.

“Njësiti i hetimeve rajonale të Policisë në Gjilan pas veprimeve të shpejta hetimore operacionale, mirë të organizuara me datën 22.09.2023 ka identifikuar dhe arrestuar të dyshuarin R.G. (viti i lindjes 1993, mashkull kosovar shqiptar) ndërsa i dyshuari i dytë ishte vënë në kërkim policor. Me datën 25.09.2023 është arritur që të lokalizohet dhe arrestuar edhe i dyshuari i dytë L.R. (viti i lindjes 1993, mashkull kosovar shqiptar). Me vendim të prokurorit të shtetit që të dy të dyshuarit janë dërguar në mbajtje dhe ndaj tyre do të ngritët kallëzim penal për veprën penale ‘’Shantazh’’, rast i cili do të procedohet në prokurorinë themelore.”