Loading…

Policia e Kosovës e shqetësuar për mungesë të kushteve të punës

  • 13/12/2016 | 22:34

Policia e Kosovës e shqetësuar për mungesë të kushteve të punës

Stacioni Policor ‘Jugu’ Prishtinë gjatë ditës së  martë është vizituar nga delegacioni i Komisionit Parlamentar për Punë të Brendshme, Siguri dhe Mbikëqyrje të FSK-së.


Delegacioni vizitoi hapësirat e stacionit policor dhe kushtet e punës që ofron ky stacion, të cilat vlerësohen se nuk janë të mjaftueshme për plotësimin e nevojave të punës së punonjësve policor të stacionit policor “jugu” në Prishtinë.

Sipas kumtesës, Policia e Kosovës vite me radhë ka ngritur këtë shqetësim të mungesës së hapësirës dhe kushteve të punës në këtë stacion policor, si dhe për vite me radhë ka bërë planifikime buxhetore për ndërtim të këtij stacioni policor, për të cilin nuk është e definuar çështja e pronësisë ekzistuese nga institucionet kompetente, e as nuk është caktuar ndonjë lokacion adekuat nga Komuna e Prishtinës.

PK ka disa vite që ka adresuar disa kërkesa në Komunën e Prishtinës për të kërkuar caktimin e një hapësire për ndërtim të këtij stacioni policor, por ende nuk ka ndonjë zgjidhje konkrete te një lokacioni adekuat.

Në një gjendje jo të mirë me objekt pune dhe kushte pune, është edhe stacioni policor “Veri” në Prishtinë, i cili po ashtu ka nevojë për një objekt dhe hapësirë pune më të mirë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë