Policia e thërret për intervistim Agim Ademin

Policia e Kosovës, ka njoftuar zyrtarisht se nesër kryetari i Federatës së Futbollit të Kosovës, Agim Ademi, do të intervistohet, shkruan Gazeta Metro.

Në njoftimin e Policisë thuhet se ot në orët e pasditës ka intervistuar në stacion policor një person/zyrtar të Federatës së Futbollit të Kosovës, i cili pas intervistimit me urdhër të prokurorit është liruar.

Ndërsa raportimi në media për kinse arrestimin e kreut të FFK’së, policia ka thënë se nuk qëndron dhe se nuk ka ndonjë urdhër arrest siç raportohet, por të njëjtit i është lënë një ftesë për tu paraqitur në polici për intervistim gjatë ditës së nesërme.

Policia ka thënë se të gjitha veprimet e mëtejme do të ndërmerren në bashkëpunim dhe koordinim me organet e drejtësisë.

Burime të Metros ndërkaq kanë thënë se Ademi është kërkuar nga Policia në katër vende gjatë ditës së sotme, por që nuk është gjetur.

Kujtojmë se javën e kaluar Agim Ademi është shpallur i pafajshëm nga Gjykata Themelore në Prishtinë lidhur me akuzën për detyrim në bashkëkryerje. /gazetametro.net