Loading…

Policia sekuestron mbi 10 kilogramë kokainë në Portin e Durrësit

  • 12/10/2021 | 20:27

Policia sekuestron mbi 10 kilogramë kokainë në Portin e Durrësit

Policia e Shqipërisë ka njoftuar se ka sekuestruar mbi 10 kilogramë drogë e dyshuar si kokainë, në kontejnerë të ngarkuar me banane që kishin ardhur nga Ekuadori në Portin e Durrësit.

Operacioni policor u krye nga Task Forca që operon në Portin e Durrësit, kurse destinacioni i kësaj dërgese ishte “Alba Exotic Fruit”.

“Pas një kontrolli të imtësishëm në dy nga kontejnerët e ngarkuar me banane, që kishin ardhur nga Ekuadori, për “Alba Exotic Fruit”, në pjesën fundore, te kapakët e motorëve frigoriferikë të dy kontejnerëve u gjet dhe sekuestrua një sasi prej 10 kilogramë e 185 gramë lëndë narkotike e dyshuar kokainë”, thuhet në njoftimin e Policisë.

Policia bën të ditur se ka sekuestruar drogë në korrik të këtij viti, që për destinacion kishte po të njëjtën kompani.

“Në kuadër të operacionit “Rada”, të nisur më datë 13.07.2021, në Portin e Durrësit, nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit ishte gjetur dhe sekuestruar lëndë narkotike kokainë, në një nga kontejnerët për llogari te po kësaj firme”, thuhet në njoftimin e Policisë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë