Portieri turk gjendet i vdekur nën rrënoja pas tërmeteve në Turqi
-
06/02/2023 | 20:57
Disa tërmete të fuqishme që goditën këtë të diel Turqinë, lanë të vdekur më shumë se 1300 njerëz, sipas raportimeve të fundit.
Me mijëra raportohet se gjithashtu janë të lënduar, e shumë tjerë të zhdukur.
Në mesin e të vdekurve është edhe portieri, Ahmet Eyup Turkaslan, i cili u gjet i vdekur nën rrënoja.
Lajmi për vdekjen e tij u konfirmuar nga trajneri, Yalmaz Vural, transmeton Express.
“Ua dhashë lojtarëve dy ditë pushim pas ndeshjes. Shumë nuk ishin në Malatya. Vetëm portieri ynë i dytë, Ahmet Eyup Turkaslan, ishte atje. Gruaja e tij u shpëtua. Jam i shkatërruar”. tha ai.
28-vjeçari ishte portier i Yeni Malatyaspor. Ai në mëngjes ishte raportuar si i zhdukur, pasi ndërtesa ku jetonte u shemb.
Turkslan regjistroi 94 paraqitje në total si futbollist profesionist.
