Loading…

Presidenti i Argjentinës vaksinohet me ‘Sputnik V’ kundër koronavirusit

  • 21/01/2021 | 23:55

Presidenti i Argjentinës vaksinohet me ‘Sputnik V’ kundër koronavirusit

Presidenti argjentinas Alberto Fernandez ka marrë dozën e parë të vaksinës Sputnik V kundër Covid-19 përgjatë kësaj të enjte.


Ky veprim është ndërmarrë një ditë pasi Argjentina aprovoi përdorimin e vaksinës ruse për të moshuarit mbi moshën 60 vjeç.

Në një postim Fernandez, 61 vjeç shprehu mirënjohjen e tij për qendrën kërkimore ruse që zhvilloi vaksinën.

“Unë falënderoj Institutin Gamaleya për punën e tij shkencore, ata që punuan për të sjellë punët e tyre te ne dhe të gjithë personelin shëndetësor të vendit tonë për angazhimin e tyre të madh,” shkroi ai, raporton Ora News.

Miratimi për shpërndarjen e Sputnik V nga Administrata Kombëtare e Argjentinës e Ilaçeve, Ushqimit dhe Teknologjisë Mjekësore (ANMAT) dhe gatishmëria e Fernandez për të marrë vaksina, është një gjë pozitive për Moskën pasi ajo kërkon të kapë një pjesë të konsiderueshme të tregut të vaksinave anticovid.

Argjentina ka regjistruar më shumë se 1.8 milion raste me COVID-19 dhe mbi 45,000 humbje jete që prej nisjes së pandemisë. Deri më tani vendi latin ka marrë rreth 600 mijë doza vaksine, ndërkohë që presin edhe dorën e dytë përgjatë shkurtit. Të parët që po vaksinohen janë personeli shëndetësor.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë