Loading…

Presidenti i Brazilit paditet në Hagë dhe kjo është arsyeja

  • 12/10/2021 | 15:47

Presidenti i Brazilit paditet në Hagë dhe kjo është arsyeja

Një grup i avokatëve të klimës kanë dorëzuar ankesë në Gjykatën Ndërkombëtare të Drejtësisë në Hagë, duke i bërë thirrje këtij organi që ta hetojë Presidentin e Brazilit, Jair Bolsonaro, për sulmet ndaj Amazonës, që, sipas këtij grupi, përbëjnë krime kundër njerëzimit.


Organizata jofitimprurëse austriake, “AllRise” e dorëzoi ankesën në gjykatën me seli në Hagë të martën. Kjo organizatë pretendon se veprimet e Bolsonaros dhe të administratës së tij janë “sulm i gjerë ndaj Amazonës, ndaj të varurve ndaj saj dhe ndaj mbrojtësve të saj që jo vetëm rezultojnë në përndjekjen, vrasjen e vuajtjet çnjerëzore në rajon, por gjithashtu ndaj popullsisë botërore”, thuhet në deklaratë.

Në ankesën me 286 faqe thuhet se ka bazë për hetim e ndjekje penale urgjente e të plotë nga Gjykata Ndërkombëtare e Drejtësisë, shkruan CNN.

Dokumenti e citon “sulmin e vazhdueshëm e të gjerë ndaj Amazonës së Brazilit dhe ndaj të varurve e mbrojtësve të saj në kundërshtim me Nenin 7 dhe Nenin 25 të Statutit të Romës”.

Gjykata Ndërkombëtare e Drejtësisë nuk zotohet për ndonjë afat kohor për analizimin e materialit që ka pranuar.

Televizioni CNN i është drejtuar zyrës së presidentit brazilian për të marrë një koment, por ende nuk ka marrë ndonjë përgjigje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë