Presidenti jep sinjale për zgjedhje të parakohshme

Presidenti Hashim Thaçi gjatë diskutimit të tij në forumin ‘FOL Hapur’ është pyetur edhe për mundësinë për zgjedhje të parakohshme.

Me këtë rast presidenti Thaçi ka cilësuar se nuk është fundi i botës edhe nëse shkohet në zgjedhje.

“Si president do ta respektoj mandatin kushtetues. Nëse ka vullnet të spektrit politik, mund të shkohet në zgjedhje”, ka thënë Thaçi.

Gjithashtu sipas tij ky vendim i takon spektrit politik, të cilin ai zotohet se do ta respektoj.

“Unë si ish-kryeministër dy herë kam vendosur për shkurtim të mandatit në kohën kur kam menduar se nuk ka efektivitet institucional. Unë nuk anoj sa i përket zgjedhjeve të parakohshme”, ka përfunduar Thaçi.

Duhet përkujtuar që zgjedhjet e parakohshme po i kërkon opozita si dhe një pjesë e Partisë Demokratike të Kosovës.