Loading…

Presidenti për sulmin ndaj Xharrës: Me këtë sulm u cënuan edhe vlerat e shoqërisë

  • 13/05/2017 | 09:34

Presidenti për sulmin ndaj Xharrës: Me këtë sulm u cënuan edhe vlerat e shoqërisë

Presidenti, Hashim Thaçi, ka reaguar ndaj sulmit brutal të bërë mbrëmë ndaj anëtares më të re të PDK’së, Arbana Xharra.


Xharra u sulmua gjatë natës, pranë banesës së saj në Prishtinë, dhe më pas u dërgua në QKUK për trajtim mjekësor.

Presidenti Thaçi në reagimin e tij për këtë sulm ka thënë të jetë i tronditur, dhe ka bërë thirrje që mos të lejohet që dhuna të bëhet mjet i shprehjes së pakënaqësisë.

Ai këtë sulm gjithashtu e ka cilësuar si sulm ndaj vlerave demokratike të ndërtimit të një shoqërie.

“Jam thellësisht i tronditur dhe i shqetësuar me sulmin kundër Arbana Xharrës. Është krejtësisht i papranueshëm dhe i dënueshëm përdorimi i dhunës dhe asgjë nuk e arsyeton atë. Si shoqëri nuk bën të lejojmë që dhuna të bëhet mjet i shprehjes së pakënaqësisë sonë”.

“Me këtë sulm të ulët nuk janë cenuar vetëm Arbana dhe familja e saj, por edhe parimet dhe vlerat demokratike mbi të cilat po e ndërtojmë shoqërinë tonë. Organet e rendit duhet ta zbardhin në tërësi rastin dhe t’i sjellin sulmuesit para drejtësisë”, ka shkruar presidenti Thaçi. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë