Prishtinë: Kurse të gjuhëve të huaja falas për 100 nxënës

100 nxënës nga familjet me gjendje të rëndë ekonomike, familjet e kategorive të luftës, të rinjë pa punë dhe të rinj me sukses të dalluar do mund të ndjekin pa pagesë kurse të gjuhëve të huaja.

Përmes një komunikate nga zyra për mardhënie me media e Komunës së Prishtinës u bë e ditur së Kryetari i Komunës Shpend Ahmeti nënshkroi marrëveshje tripalëshe të bashkpunimit mes Komunës, Ndërrmarjës Publike Banesore dhe shkollës për kurse të gjuhëve të huaja “New Age School”.

Përderisa Komuna e Prishtinës do të  bëjë përzgjedhjen e të rinjëve, ndërrmarja Publike Banesore do të zbatojë zbritje prej 50% në qira ndaj New Age School.

Komuna shpreson se iniciativa të tilla do përsëriten edhe me ndërrmarës te tjerë.