Loading…

Pritja fantastike dhe goli i pësuar në minutat e fundit nga Arijanet Muric kundër Stoke City

  • 06/10/2022 | 17:44

Pritja fantastike dhe goli i pësuar në minutat e fundit nga Arijanet Muric kundër Stoke City

Portieri i Kombëtares së Kosovës, Arijanet Muric po vazhdon me paraqitje të shkëlqyeshme në Championship me skuadrën e Burnley. Ai edhe mbrëmë e vërtetoi këtë në ndeshjen kundër Stoke City, e cila në fund përfundoi me rezultat të barabartë 1-1, transmeton Gazeta Metro.


Burnley po ‘lufton’ këtë sezon për t’u rikthyer përsëri në Premier League, mirëpo në dy ballafaqimet e fundit nuk ka arritur t’i marrë tre pikët duke pësuar gol vetëm në minutat e fundit.

Mbrëmë ndaj Stoke City skuadra e udhëhequr nga ish-mbrojtësi i njohur, Vincent Kompany pësoi gol në minutën e 87’të, derisa paraprakisht kishte shënuar në minutën e 54’të me anë të Connor Roberts.

Para se të shënonte golin e epërsisë mbrojtësi i Burnley, Taylor Harwood-Bellis bëri një gabim të pafalshëm në qendër të fushës.

Topin e mos pranuar mirë nga ana e tij e mori sulmuesi, Tyrese Campbell i cili vrapoi drejt portës por dështoi të shënoi përballë Arijanet Muric. 23-vjeçari kosovar përveç kësaj bëri edhe dy pritje të tjera.

Në fund, Harrison Clarke pas harkimit të mrekullueshëm nga Tarique Fosu barazoi rezultatin në 1-1, ku me një goditje me kokë drejt portës shënoi golin e dytë personal këtë edicion.

Duhet theksuar se, paraqitja e Arijanet Muric u vlerësua me notën 6.8 nga SofaScore.

Burnley është në pozitën e pestë në tabelë me 19 pikë nga 12 ndeshje të zhvilluara deri më tani në Championship, ndërsa sfidën e ardhshme do ta luajnë të shtunën ndaj Coventry.

Momentin e pritjes fantastike nga Muric e gjeni nga sekonda 0:25, kurse golin e pësuar nga minuta e 1:30. /gazetametro.net

Rekomandime
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë