Loading…

Privatizimet: Debat i ashpër mes deputetëve në Komisionin Parlamentar

  • 05/08/2020 | 12:08

Privatizimet: Debat i ashpër mes deputetëve në Komisionin Parlamentar

Në Komisionin Parlamentar lidhur me privatizimet është zhvilluar një debat i ashpër në mes deputetëve të subjekteve të ndryshme politike, shkruan, Gazeta Metro.


Deputeti i Lëvizjes Vetëvendosje, Liburn Aliu, ka thënë se me procesin e privatizimit duhet të hetohen edhe procesi i shpronësimit.

Pas këtij debati, erdhi reagimi deputetes së Lidhjes Demokratike të Kosovës, Doruntina Maloku, e cila tha se “dikush e ka mizën pas veshi”.

Ndërsa, përfaqësuesi i Partisë Demokratike të Kosoveë, deputeti, Sejdi Hoxha, kundërshtoi që privatizimi dhe shpronësimi të trajtohen në të njëjtën kohe, pasi sipas tij procesi shpronësimit duhet të jetë çështje e veçantë.

Më pas pasoi, reagimi i deputetit të PDK-së, ku kërkoi nga deputetja, Maloku, të tregojë se kujt I’a atribuoi “mizën pas veshi” dhe “Mos akuzo, trego kush e ka ‘mizën pas veshi’”, tha ai.

Atij ju kundërpërgjigj deputetja Maloku, duke i thënë se debati mes tyre bëri që ajo të thotë diç të tillë, pasi njëra palë po thotë të hetohej bashkë privatizimet dhe shpronësimet, kurse tjetra jo.

Më pastaj në debat është përfshirë edhe deputeti i Aleancës për Ardhmërinë e Kosovës, Bekë Berisha, i cili tha se po debatohet “veç sa me thënë diçka”./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë