Problemi i qenve endacakë ende pa zgjidhje
-
05/12/2016 | 08:58
Qytetarët e Kosovës po vazhdojnë të përballen me rrezikun nga qentë endacakë. Ky problem nuk po shqetëson vetëm banorët e zonave rurale, por edhe banorët e kryeqytetit.
Vetëm në tri javët e fundit janë shënuar dy raste kur qentë endacakë kanë sulmuar qytetarët, shkruan Koha Ditore.
Njëri sulm ka ndodhur në Maqitevë të Suharekës, kur një mësuese amerikane, anëtare e Korpusit të Paqes, është sulmuar nga qentë dhe tani ndodhet nën kujdesin e mjekëve në spitalin e Shkupit.
Rasti tjetër ka ndodhur para disa ditësh në Prishtinë, kur qentë endacakë kanë sulmuar një nxënëse të klasës së tetë derisa ajo po kthehej nga shkolla.
Me gjithë rrezikun e vazhdueshëm institucionet nuk janë në gjendje t’i gjejnë zgjidhje këtij problemi.
Rekomandime
Më të fundit
Të tjera
