Loading…

Prodhuesit e vaksinës: Nëse vaksinoni fëmijët atëherë keni çelësin e fitores ndaj pandemisë

  • 23/02/2021 | 11:37

Prodhuesit e vaksinës: Nëse vaksinoni fëmijët atëherë keni çelësin e fitores ndaj pandemisë

Shkencëtarët thonë se ka rrezik të rishfajes së sëmundjes derisa të gjitha grupmoshat të jenë të imunizuara.


Ekspertët e kompanive te prodhimit te vaksinave thonë se fundmi se vaksinimi i fëmijëve mund të jetë çelësi i fitores ndaj pandemisë, teksa shtojnë ka nisur testimi klinik i tyre te më të rinjtë.

Megjithse Covid-19 ka shfaqur një masë më të vogël infektueshmërie dhe vdekshmërie te më të rinjtë, ka prova se fëmijët mund të jenë transmetues.

Prandaj derisa të gjithë – përfshi edhe fëmijët – të jenë vaksinuar, mbetet ende rrezik “i konsiderueshëm rishfaqjeje” tha John Edmunds, anëtar i grupit të mjekëve këshilltarë të qeverisë në Britani.

Studiuesit e vaksinës së Oxford/AstraZeneca kanë nisur një studim për të parë nëse vaksina e tyre funksionon te fëmijët nga gjashtë deri në 17 vjeç.

Nëse vaksinat provohen që kanë efekt të mjaftueshëm te transmetimi dhe nëse të gjithë të rriturit supozohet se do të vaksinohen këtë vit, atëherë burimi i vetëm i përhapjes do të mbeten fëmijët, tha Dr Rinn Song, studiues i grupit të vaksinës së Oxford.

Por studiuesit kujtuan se ashtu si për shumë vaksina të tjera, mbajtja nën kontroll e sëmundjes mund të kjryhet edhe pa imunizuar çdo person. “Kështu edhe për koronavirusin, nëse do të imunizonim çdo person do të ishte diçka e rrallë, por jo rregulli për t’u zbatuar”.

“Mendoj se është ende çështje e hapur se deri ku duhet të shkojmë me vaksinimin për të pasur gjërat nën kontroll. Ne besojmë se deri në fund të vitit do të kemi nisur të përdorim vaksinat për fëmijët nën 18 vjeç, por kjo nuk është diçka e sigurtë, edhe pse pritet të ndodhë”, thanë studiuesit britanikë të vaksinave”. (Guardian)

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë