Loading…

Profesori i Parisit: Veç një i çmendur thotë se lufta e UÇK’së nuk ka qenë e pastër

  • 14/07/2019 | 14:24

Profesori i Parisit: Veç një i çmendur thotë se lufta e UÇK’së nuk ka qenë e pastër

Profesori dhe ligjëruesi në Universitetin e Parisit, Nezir Kraki, ka thënë  se vetëm një i çmendur mund të thotë se lufta e UÇK’së nuk ka qenë e pastër, shkruan Gazeta Metro.


Kraki është përfshirë në debatin që është bërë së fundi rreth luftës së Ushtrisë Çlirimtare të Kosovës.

Përmes një shkrimi në rrjetin social Facebook, ai ka thënë se luftën e pastër të UÇK’së e dinë gjithë bota.

Postimi i plotë:

O trima!

LUFTA E UÇK-së KA QENË E PASTËR SI QËLLIM DHE SI IDEAL. Prandaj është kuptu nga bota dhe nga populli.

Veç një i çmendur mund ta thotë të kundërten.

Tash, sa shetisni me pushkë n’dorë nga portali në portal duke sha, ofendu e kërcenu, më mire lexoni 5 rreshtat e parë të shkrimit që e kritikoni.NUK ka njollosje të UÇK-së nese thuhet se brenda saj ka pasë marrëzi e çorodi që kanë çu deri në vëllavrasje.

Siç e pata thënë ne vitin 2015 kur Begu me shokë ranë në kurthin e tradhëtisë (nga shqipfolës), kontributi dhe trimeria e secilit në luftë duhet të pranohet pavarësisht kush janë ata sot.POR, duhet edhe të pranohet fakti se çoroditja e disa trimave pas luftës i ka shkaktu dëm tragjik Kosovës. Krahas ish-trimave janë fuqizu edhe shumë mercenarë e sekserë që kurre pushkë as luftë me sy s’kanë pa.

Duhet poashtu të pranohet, se edhe gjatë luftës disa kanë pasë plane e axhenda tjera për të cilat luftetari i sinqertë e trim nuk ka pasë dijeni.

Sa për sqarim dhe korrektësi, unë personalisht kam respekt të pafund për secilin shqiptar apo familje shqiptare që ka dhene mund, djerse e jetë për çeshtjen tonë. Jam rritë nen terror partiak e policor atëherë kur plot nga ju s’e keni ditë as çka është çeshtja kombëtare. Me vite mengjesin e kemi nis me uniformen e Milicisë te dera.

E kam mbrojtë luftën e drejtë dhe hiç me larg se para një muaji në konferencë shkencore këtu n’Paris kam debatu dhe e kam kudërshtu një prof belg pikërisht në këtë temë. Jo n’çajtore e n’terrasa me makiato, as n’komente me urrejtje.

Kështuqë, dashamirësisht, mbane veten e mos e hapni gojen pa e lexu të paktën nje shkrim me 5 rreshta. Mos u bazoni veç në tituj e me dal n’gjah me pre koka se i ka vdek nana asaj kohe. Nëse keni përfitu status veterani ose diçka pa e meritu ju kuptoj por nëse vërtetë jeni argatë të çeshtjes kombetare atëherë edhe ju duhet t’i denonconi çoroditë e pasluftës sepse shkaku i tyre s’keni as dorëza sterile në spitale e mos të flas për gjëra tjera.

Shikojeni jetën tuaj dhe mendoni kush eshte fajtor për ate gjendje. Kaq e thjeshte eshte kjo punë.

Tekefundit, s’ka trimni ma t’madhe se me ia ditë hallin vetes./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë