Loading…

Pronari i një marketi në Podujevë përfundon në pranga, dyshohet se rrahu një të mitur

  • 30/11/2022 | 09:01

Pronari i një marketi në Podujevë përfundon në pranga, dyshohet se rrahu një të mitur

Pronarin e një marketi në fshatin Lluzhan të Podujevës gjatë ditës së djeshme e ka zënë sherri me Policinë. Ai u denoncua për sulm ndaj një të mituri.


Burimet e Gazetës Sinjali brenda Prokurorisë kanë bërë me dije se një 14-vjeçar i shoqëruar nga babai i tij ka denoncuar në Polici të dyshuarin, për të cilin ka deklaruar se e ka sulmuar fizikisht.

Bazuar në dëshminë e tij, kjo ka ndodhur pasi viktima bashkë me shokët e tij kishin shkuar në dyqanin e të dyshuarit, e ku më pas ai e ka sulmuar të miturin duke e goditur me shuplakë dhe shqelm.

Si rezultat i denoncimit, 54-vjeçari është shoqëruar në stacion policor për intervistim, ku para hetuesve ka mohuar të ketë ushtruar dhunë ndaj të miturit.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe ndaj tij kanë nisur hetimet nën dyshimet për kryerjen e veprës penale ‘Sulm’.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë