Loading…

‘Jo nuk ndahet Mitrovica pa u farue djem dhe çika’, brohoritjet e protestuesve në jug të Ibrit

  • 01/06/2023 | 12:43

‘Jo nuk ndahet Mitrovica pa u farue djem dhe çika’, brohoritjet e protestuesve në jug të Ibrit

Një grup qytetarësh shqiptarë në Mitrovicë të Jugut është tubuar për të protestuar dhe mbështetur Policinë e Kosovës. Autoritetet dyshojnë se protesta është organizuar nga persona jashtë Kosovës.


“Jo nuk ndahet Mitrovica pa u farue djem dhe çika. Jo si lëshojmë trojet tona tanë Kosova është e jona”, janë brohoritjet e protestuesve në jug të Ibrit.

Në Mitrovicë të Jugut u mblodh një grup qytetarësh shqiptarë, përkundër kërkesës së Policisë së Kosovës që të mos i përgjigjen thirrjes së postuar në mediat sociale për protestë dhe “marshim drejt veriut”.

Gazetarja e Radios Evropa e Lirë në terren raporton për dhjetëra të tubuar.

Sipas saj, në mesin e tyre ka edhe qytetarë nga Shqipëria.

Disa prej tyre thanë se po protestojnë në “mbështetje të Policisë së Kosovës”.

Pjesëtarë të policisë shihen të pranishëm në vendngjarje.

Policia e Kosovës tha më herët se është vërtetuar se thirrjet për protestë të bëra në mediat sociale, vijnë nga profile të dyshimta dhe mund të jenë qëllimkëqija.

Ndryshe, Policia e Kosovës dhe ministri i Brendshëm, Xhelal Sveçla kanë bërë thirrje që të bojkotohet kjo protestë, e cila u shpërnda me të madhe në rrjetet sociale ditëve të fundit.

Sipas raportimeve, autoritetet e sigurisë po dyshojnë se kjo protestë është “organizuar nga persona të dyshuar jashtë Kosovës”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë