Protestë me 1 prill: Shqiptarët në Amerikë kërkojnë drejtësi për ish-krerët e UÇK’së në Hagë

Veprimtari kosovar në SHBA, Uk Lushi, që ishte edhe ish-ushtar i UÇK-së ka njoftuar shqiptarët e Amerikës do të protestojnë për të kërkuar drejtësi për vëllezërit Bytyqi dhe ish-ushtarët e UÇK-së të cilët ndodhen në Hagë.

Siç ka njoftuar ai, protesta do të mbahet me 1 prill, derisa ka kërkuar mobilizim për drejtësi.

Përndryshe, platforma “Liria ka Emër” ka njoftuar se më 2 prill kanë organizuar një marsh për drejtësi në mbështetje të ish- krerëve të UÇK’së.

Rreth kësaj, shumë organizata kanë shprehur mbështetjen dhe gatishmëri të marrin pjesë.

Pos organizatave, pjesëmarrëse në këtë marsh, do të jetë edhe Ferdonije Qerkezi.

Postimi i plotë i Lushit:

24 vjet nga vrasja e tre amerikanëve, Ylli, Agron dhe Mehmet Bytyqi, nga shteti i Serbisë askush në Serbi nuk është gjykuar ndërkaq që në Hagë Gjykata Speciale nuk po punon drejt në gjykimin e themeluesve kryesorë të shtetit të Kosovës.

Më 1 prill shqiptarët e Amerikës do të kërkojmë drejtësi për vëllezërit Bytyqi dhe liderët e Kosovës në Speciale.

Bashkohu me NE! Mobilizohu për DREJTËSI!

P.S. Ju lutem shpërndajeni këtë lajmërim sa më gjerësisht.