Pse CD-të mbajnë vetëm 74 minuta audio?
-
03/11/2016 | 18:59
Një CD standarde mund të mbajë saktësisht 74 minuta audio-incizim.
Kjo shifër e saktë ishte përcaktuar përmes një marrëveshjeje mes kompanive “Sony” dhe “Phillips” më 1980.
Por, një prej arsyeve është më interesante se që duket në shikim të parë.
Simfonia e nëntë e gjeniut të muzikës klasike, Ludwig van Beethoven zgjat saktësisht 74 minuta!
Drejtuesit e të dy kompanive e kanë parë të arsyeshme që këto kompakt disqe të kenë kapacitet të mjaftueshëm që të mbajnë një prej veprave më gjeniale të kompozitorit gjerman.
Megjithatë kjo nuk ishte e vetmja arsye që CD-të mbajnë vetëm 74 minuta incizim. Edhe aspekte të tjera industriale dhe teknike u morën parasysh krahas simfonisë së Beethowenit.
CD-ja ishte shpikur nga amerikani James Russell në vitet e 60-ta, por disku i parë u prodhua në Gjermani vetëm në gusht të vitit 1982. /gazetametro.net
