Pse nuk preferohet të pini ujë gjatë ngrënies

Edhe pse është e rëndësishme të qëndroni të hidratuar dhe të konsumoni të paktën dy litra ujë në ditë, nuk preferohet të pini ujë gjatë ngrënies.

Gjegjësisht, nëse merrni lëng së bashku me ushqimin, mund të prishet niveli i përqendrimit acidik dhe biliar në stomak, i cili është i nevojshëm për tretjen e duhur të ushqimit.

Kjo këshillë vlen veçanërisht për pirjen e ujit të ftohtë, sepse ngadalëson më tej procesin e tretjes së ushqimit dhe do të keni një ndjenjë të rëndimit në stomak.

Lexo po ashtuGabimet e mundshme që i bëni para ushtrimeve

Do të ishte mirë të pini ujë 30 minuta para se të hani, ndërsa pas një vakti pritni të paktën një orë për të pirë ujë – transmeton The Star.

Nutricionistja Anju Sood nga Florida në SHBA thotë se duhen afërsisht dy orë për të tretur atë që hani.

“Nëse konsumoni ujë në kohën e gabuar, nuk po shqetësoni vetëm përbërësin e lëngshëm duke holluar atë që hani. Ju gjithashtu po e përshpejtoni procesin e tretjes, pasi ushqimi tani hyn në zorrën e trashë shumë më shpejt se sa duhet”, është shprehur ajo.