Loading…

PSG: Nuk na pëlqeu oferta e Realit, Mbappe nuk largohet në verë

  • 14/09/2021 | 22:05

PSG: Nuk na pëlqeu oferta e Realit, Mbappe nuk largohet në verë

Drejtori sportiv i PSG-së, Leonardo është optimist se sulmuesi Kylian Mbappe do rinovojë kontratën.

Francezi u kërkua nga Real Madrid, por skuadra e PSG-së, refuzoi rreth 180 milionë euro, transmeton lajmi.net.

Leonardo së fundmi ka folur për Mbappe, ku theksoi se klubit nuk i ka pëlqyer mënyra si u mundua Reali ta transferojë fituesin e Kupës së Botës, derisa as oferta nuk ka qenë çfarë prisnin.

“Nuk mendoj se do organizojmë një afat veror për sezon, dy, tre ose katër muaj dhe të ndryshojmë planet në javën e fundit ashtu”.

“Fakti është që mbeten vetëm lajmet se mund të ndodh. Nuk menduam të bëjmë asnjë gjë pa të. E dini historinë. Sinqerisht, ne nuk ishim të lumtur me qëndrimin e Real Madridit”.

“Reali erdhi në javën e fundit të afatit veror dhe nisi bisedimet për njërin nga lojtarët më të mirë në botë, nuk na pëlqeu. Nuk e konsideruam se oferta ishte e mjaftueshme, ngase ishte më pak sesa paguam”.

“Oferta e Realit për Mbappe nuk ishte e mjaftueshme dhe nuk kishte oferta të tjera. Nuk e imagjinojmë të ardhmen pa të, nuk e shoh që largohet në fund të sezonit”.

“Mbappe përfaqëson shumë gjëra. Të gjithë e pëlqejnë atë. Lojtari është i madh. Dhe pastaj mendo Messi, Neymar dhe Mbappe. Kjo nuk është diçka për vetëm një vit. Është diçka që duam të kemi eksperiencë dhe do provojmë gjithçka”, deklaroi ai.

Ndërkohë, nëse Mbappe refuzon rinovimin prapë, atëherë ka të drejtë në janar të nënshkruajë parakontratë me klubin madrilen.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë