Publikohet Aneksi i Implementimit nga BE: Kosova të nisë ‘menjëherë’ zbatimin e nenit 7 të Marrëveshjes për Normalizim me Serbinë

Lehtësuesi i Bashkimit Europian ka publikuar Aneksin e Implemetimit të Marrëveshjes për Normalizim të marëdhënieve ndërmjet Kosovës dhe Serbisë, shkruan Gazeta Metro.

Pika më e nxehtë e ujdisë ajo që i përket nenit 7, njëherit është pika më kontraverse për vet kryeministrin Albin Kurti, ajo e vetqeverisjes së serbëve të Kosovës përmes një Asociacioni të Komunave me Shumicë Serbe. Aty obligohet direkt Kosova që të fillojë procedurat për themelimin e kësaj niveli të vet-menaxhimit siç quhet ‘menjëherë’ siç tha Përfaqësuesi i Lartë i Komisionit Europian, Jospe Borrell.

“Për të implementuar nenin 7 Kosova nisë menjëherë negociatat brenda dialogut të lehtësuar nga BE, në vendosjen e aranzhimeve specifike dhe garancive për të siguruar një nivel të duhur të vet-menaxhimit për komunitetin serb në Kosovë, në përputhje me marrëveshjet relevante paraprake të Dialogut, siç janë përcaktuar nga BE si lehtësues”, thuhet në ankesin e implementimit.

Në kuadër të planit franko-gjerman dikur tani të Marrëveshjes për Normalizimi, neni 7 përkufizon rregullimin e komunitetit serb në vend, si në aspektin politik, por edhe atë religjioz.

“Neni 7 Të dyja palët angazhohen të krijojnë marrëveshje dhe garanci specifike, në përputhje me instrumentet përkatëse të Këshillit të Evropës dhe duke u mbështetur në përvojat ekzistuese evropiane, për të siguruar një nivel të duhur të vetë-menaxhimit për komunitetin serb në Kosovë dhe aftësinë për ofrimin e shërbimeve në fusha specifike, duke përfshirë mundësinë e mbështetjes financiare nga Serbia dhe një kanal të drejtpërdrejtë komunikimi për komunitetin serb me Qeverinë e Kosovës. Palët do të zyrtarizojnë statusin e Kishës Ortodokse Serbe në Kosovë dhe do të ofrojnë nivel të fortë mbrojtjeje për objektet e trashëgimisë fetare dhe kulturore serbe, në përputhje me modelet ekzistuese evropiane”, thuhet aty.

Kujtojmë që sot, pas thuajse 12 orë bisedime intenzive, e disa herë me ndërprerje, më në fund u arrit marrëveshja për implementimin e planit të zbatimit që del nga plani franko-gjerman./gazetaemetro.net