Punëtori vdes në vendin e punës, po testonte një makineri
-
02/02/2023 | 12:44
Një punëtor ka vdekur të mërkurën e 1 shkurtit në vendin e punës në Suharekë, pasi pësoi lëndime derisa ishte duke e testuar një makineri.
Kështu ka njoftuar raporti 24-orësh i Policisë së Kosovës, që bëhet e ditur se i njëjti është dërguar për tretman dhe mjekët e kanë konstatuar vdekjen e tij.
“Raportohet se një person në vendin e punës derisa ka qenë duke testuar një makineri, ka pësuar lëndime me ç’rast i njëjti është dërguar për tretman mjekësor ku dhe nga mjekët përgjegjës kanë konstatuar se trupi i viktimës është pa shenja jete”, thuhet në raportin e PK-së.
Lidhur me rastin PK ka njoftuar se është arrestuar një person.
Ndërsa, trupi i viktimës me vendim të prokurorit është dërguar në Institutin e Mjekësisë Ligjore (IML) për obduksion.
“ Me vendim të prokurorit trupi i pajetë i viktimës është dërguar IML për obduksion. Lidhur me rastin është arrestuar i dyshuari mashkull kosovar i cili pas intervistimit është dërguar në mbajtje”, bëhet e ditur në raportin e Policisë së Kosovës.
