Loading…

Pupovci për Festën e Abetares në Pejë: Po t’i ulte mësuesja anash nxënësit shqiptarë, s’do përbënte lajm

  • 27/05/2022 | 23:34

Pupovci për Festën e Abetares në Pejë: Po t’i ulte mësuesja anash nxënësit shqiptarë, s’do përbënte lajm

Çdo mësues që ka në klasë fëmijë të komuniteteve rom, ashkali dhe egjiptas, apo fëmijë me nevoja të veçanta dhe të tjerë të cilët mund të ndjehen të diskriminuar, duhet të ndërmarrë hapa që fëmijët mos të ndjehen të tillë.


Kështu deklaroi zëvendësministri i Arsimit, Dukagjin Pupovci në Argument Plus të RTV21, kur u pyet për rastin e festës së abetares në Pejë, ku u raportua se disa nxënës të komuniteteve u lanë anash gjatë festës.

“Pra ata të ulen në qendër me të tjerët. Nëse duhet veçuar dikush, veçohen fëmijët e shumicës”, tha Pupovci.

“Po të kishte ardhur kjo mësuese me fëmijë shqiptarë, dhe t’i kishte ulur aty, kjo nuk do të përbënte kurrfarë lajmi”, shtoi ai.

Pupovci theksoi se nga ky rast është nxjerrë një mësim.

Zëvenësministri tha se sipas informatave që kanë, qëllimi i mësueses në Pejë nuk ishte që t’i diskriminojë këta fëmijë, po ashtu askush nuk i ka thënë që t’i vendos atje lartë.

“Ajo çka mësuesja, dhe çdo mësues në të ardhmen në Kosovë duhet ta dijë është që kur ka fëmijë të grupeve të margjinalizuara aty duhet pasur kujdes nga veçimi i tyre sepse mund të keqkuptohen”, tha Pupovci.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë