Loading…

Putin ia arreston tani edhe vëllain Navalnyt

  • 28/01/2021 | 12:16

Putin ia arreston tani edhe vëllain Navalnyt

Policia ruse ka arrestuar vëllain e Alexei Navalny-t, Oleg Navalny si dhe avokaten dhe mjeken e opozitarit rus.

Drejtori i Fondacionit për luftë kundër korrupsion Ivan Zhdanov, të cilin Ministria ruse e Drejtësisë e vendosi në listën e “agjentit të huaj”, në Twitter shkroi se policia arrestoi Oleg Navalny-n, avokaten Lobov Sobol dhe mjeken Anastasia Vasilyeva, që është anëtare e Unionit të Sindikatës së Mjekëve.

Theksohet se personat në fjalë u arrestuan për 48 orë.

Policia ruse më herët bastisi apartamentet e Navalny-t në Moskë dhe Zyrën e Fondacionit për luftë kundër korrupsionit, të cilin ai e themeloi, me arsyetimin se ” u shkelën rregullat sanitare dhe epidemiologjike”.

Në Rusi më 23 janar u mbajtën demonstrata ku morën pjesë dhjetëra mijëra njerëz që kërkuan lirimin e Navalny-t. Rreth 3.000 pjesëmarrës u arrestuan gjatë demonstratave në të gjithë vendin, raporton Anadolu Agency (AA).

Zëdhënësi i Kremlinit, Dmitry Peskov deklaroi se demonstratat në shenjë mbështetjeje për Navalny-n janë “ilegale dhe të papranueshme”.

Navalny, nga ana tjetër, paralajmëroi se demonstratat sërish do të mbahen më 31 janar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë