Loading…

Putin krekoset në natën e Vitit Ri: Rusia i teston raketat e reja hipersonike ‘Zircon’ nga luftanija e nëndetësja

  • 31/12/2021 | 12:37

Putin krekoset në natën e Vitit Ri: Rusia i teston raketat e reja hipersonike ‘Zircon’ nga luftanija e nëndetësja

Rusia i ka testuar duke i hedhur rreth dhjetë raketa të reja hipersonike të modelit “Zircon” nga një luftanije dhe dy të tjera nga një nëndetëse, raportoi agjencia Interfax të premten, duke e cituar Flotën Veriore.


Presidenti rus, Vladimir Putin, e ka vlerësuar këtë lloj rakete si pjesë e një gjenerate të re të sistemeve të pakrahasueshme të armëve.

Një test të zhvilluar javën e kaluar ai e quajti “ngjarje të madhe në jetën e vendit”, duke shtuar se ky është “një hap thelbësor” në rritjen e kapaciteteve të mbrojtjes së Rusisë.

Disa ekspertë perëndimorë e kanë vënë në pikëpyetje atë se sa të avancuara janë armët e reja të Rusisë, ndonëse kanë pranuar se kombinimi i shpejtësisë, manovrueshmërisë dhe lartësisë së raketave hipersonike i bën ato të vështira për t’u përcjellë dhe për t’u penguar, shkruan Reuters, përcjell Gazeta Express.

Putini kishte njoftuar për një varg të armëve të reja hipersonike në vitin 2018 në njërin nga fjalimet me retorikën më luftarake në disa vjet, duke thënë se ato armë mund të godasin pothuajse secilën pikë në botë dhe mund të shmangin një sistem të mbrojtjes anti-raketore të zhvilluar nga Shtetet e Bashkuara.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë