Loading…

Putin sërish në Serbi, temë edhe marrëveshja me Kosovën?

  • 02/11/2018 | 12:27

Putin sërish në Serbi, temë edhe marrëveshja me Kosovën?

Presidenti rus Vladimir Putin, pritet ta vizitojë sërish Beogardin. Mediat serbe kanë raportuar se ai në Beograd mund të vijë me 14 janar të vitit të ardhshëm.


Kjo vizitë e cila ende nuk është konfirmuar zyrtarisht, do të vinte pas rreth katër vitesh, kur presidenti rus qëndroi në Beograd me rastin e paradës së Ushtrisë së Serbisë.

Vizita e tij, është nxitur nga Ivica Dacic, i cili e ka bërë të ditur kërkesën për ardhjen e Putinit në Serbi, përcjell gazetametro.net.

Temë e vizitës, raportohet se do të jetë edhe marrëveshja midis Prishtinës dhe Beogradit, e cila do të jetë pjesë e ‘shuttle diplomacisë’ me agjendë t’i vihen kornizat, në fund të prillit të këtij viti.

Putin për herë të fundit Serbinë e kishte vizituar në vitin 2014, një javë pas ndeshjes Serbi-Shqipëri, ku ishte lëshuar droni i famshëm, gjë që kishte nxitur tensione të larta, në mes të shqiptarëve dhe serbëve.

Marrëveshja finale në mes të Kosovës dhe Serbinë, të cilën presidenti kosovar po e quan korrigjim të kufirit, e presidenti serb, demarkim të kufirit, po llogaritet se do të marr edhe mbështetjen e Rusisë, dhe në këto formë, Kosova do të arrinte të merrte njohje ndërkombëtare duke u bërë anëtare e Kombeve të Bashkuara, e edhe duke marr njohjen nga pesë vendet anëtare të Bashkimit Evropian. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë