Loading…

Qeveria e Kosovës konfirmon se ka marrë ftesë për t’u takuar me Serbinë, ende s’janë përgjigjur

  • 24/09/2020 | 17:15

Qeveria e Kosovës konfirmon se ka marrë ftesë për t’u takuar me Serbinë, ende s’janë përgjigjur

Bashkimi Evropian e ka bërë gati agjendën e raundit të radhës të bisedimeve ndërmjet Kosovës dhe Serbisë, i cili është planifikuar të zhvillohet në tri takime në Bruksel gjatë javës së ardhshme.


Xhait Beqiri, këshilltar i kryeministrit Avdullah Hoti, në një përgjigje për Gazetën Express ka konfirmuar se Qeveria e Kosovës ka marrë ftesë për t’u paraitur në këto takime, ndërsa ka treguar se ende nuk i janë përgjigjur kësaj ftese.

“Po, ftesa ka ardhur! Ende nuk jemi përgjigjur. Kaq mund t’ju them tani për tani”, ka thënë Beqiri.

BE’ja raportohet se ka planifikuar t’i vë përballë Kosovën dhe Serbinë në tri takime të njëpasnjëshme, më 27, 28 dhe 29 shtator.

Takimi i nivelit të lartë ndërmjet kryeministrit të Kosovës, Avdullah Hotit dhe presidentit të Serbisë, Aleksandar Vuçiq është planifikuar të mbahet të martën e 29 shtatorit.

Çështja e Asociacionit të komunave me shumicë serbe është raportuar se mund ta bllokojë dialogun, teksa Serbia po insiston që kjo të diskutohet në Bruksel. Kryeministri Avdullah Hoti, në një konferencë për media sot tha se kjo çështje është e mbyllur dhe se nuk do të diskutohet më.

“Kjo temë nuk diskutohet sepse është mbyllur me marrëveshjen e vitit 2013 dhe pastaj marrëveshja tjetër me parime e vitit 2015, që në fakt e përmirëson marrëveshjen e vitit 2013. Pra, kjo nuk është temë që hapet në procesin e dialogut”, ka thënë Hoti.

Presidenti Hashim Thaçi dhe partitë opozitare gjithashtu kanë tërhequr vërejtjen që kjo temë të mos jetë në tavolinën e bisedimeve me Serbinë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë