Loading…

Qeveria emëron bordin e ri të Postës

  • 26/01/2022 | 11:04

Qeveria emëron bordin e ri të Postës

Qeveria e Kosovës ka emëruar bordin e ri të Postës, shkruan Gazeta Metro.


Kryeministri Kurti para minsitrave të tij tha se asnjë drejtor s’ka qenë në ndonjë parti politike.

Në përbërjen e bordit të ri të Postës do të jenë Fadil Bejta, kryesues; Safie Beseni, anëtare; Hyrmete Mydyti, anëtare; Sebahate Krasniqi, anëtare; Visar Nura, anëtar dhe Gëzim Paci, anëtar.

“Marr parasysh rëndësisë së Bordit të Postës propozoj këta kandidatë Fadil Bejta, kryesues; Safije Beseni, anëtare; Hyrmete Mydydti, anëtare; Sebahate Krasniqi, anëtare, Visar Nura, anëtar; dhe Gëzim Paci, anëtar”, tha kryeministri Albin Kurti.

Ndërsa, për pozitën e drejtorit kanë aplikuar 90 kandidatë.

“Kanë aplikuar 90 kandidatë, në listën e ngushtë janë përzgjedhur 39 kandidatë. Lista e ngushtë e kandidatëve është dërguar për verifikim në Komisionin Qendror Zgjedhor dhe në Thesarin e Shtetit, për të verifikuar se ndonjëri nga kandidatët ka qenë i përfshirë në tri vitet e fundit si zyrtar publik i emëruar politik ose të ndonjë posti në parti politike”, shtoi ai.

Ai ka treguar se lista e kandidatëve ishte dërguar për verifikim në KQZ dhe Thesarin e Shtetit.

“Është vendosur të ketë afat për ankesë për ata që nuk e kanë kaluar në afatin e intervistimit. Të gjithë kandidatët janë njoftuar për arsyet e mospërzgjedhjes. Afati parashtrimit të ankesës ka përfunduar me 30 dhjetor 2021. Ky proces është monitoruar nga shoqëria civile”, përfundoi ai.

Mandati i të emëruarve zgjat tri vjet./gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë