Qeveria ndan 150 mijë euro për proteza të veteranëve

Shoqata e veteranëve të luftës,  ka përfituar mjete me vlerë  150 mijë euro nga Qeveria e Kosovës. Këtë shumë veteranët e luftës e kanë kërkuar për të siguruar protezat për persona të lënduar gjatë luftës.

Qeveria e Kosovës e aprovoi këtë kërkesë, gjatë mbledhjes së sotme e cila ishte mbledhja e 123 për këtë vit.

Ndërsa ministri i Ministrisë së Punës dhe Mirëqenies Sociale, Arban Abrashi, për gazetën Metro tregoi se kjo shoqatë ka kërkuar një shumë më të madhe.

“Kanë kërkuar një shumë më të madhe por ne e kemi, vendosur për këtë shumë”, ka thënë Arbrashi.