Loading…
QKUK’së i mungojnë disa lloje të barnave për trajtimin e sëmundjes të kancerit
  • 14/08/2019 | 08:36

QKUK’së i mungojnë disa lloje të barnave për trajtimin e sëmundjes të kancerit

Shërbimi Klinik Universitar i Kosovës nuk po arrin që t’u sigurojë pacientëve disa nga barnat për trajtimin e sëmundjes së kancerit, që njihen me emrin citostatikë dhe që janë pjesë e Listës esenciale të barnave në Klinikën e Onkologjisë.

Zgjidhja e vetme e këtij problemi për pacientët e diagnostikuar me kancer është që t’i blejnë vetë ato. Mungesën e citostatikëve QKUK-ja e arsyeton me vonesat në procedurat e liferimit, shkruan Koha Ditore.

Citostatikët që mungojnë tash e disa javë në Klinikën e Onkologjisë janë Doxorubicin, Cyclophosamide dhe Goserelin. Një pacient i sëmurë nga kanceri pa dashur të identifikohej ka treguar që i është dashur ta blinte vetë citostatikun Goserelin.

“Mua më ka kushtuar 160 euro që ta blija këtë citostatik. Në fillim mjekët më thoshin që do të furnizohet Klinika e Onkologjisë me këtë produkt, por kalonin ditë dhe unë e shihja se nuk ka ardhur ky ilaç. Pas disa ditësh mjeku më tha që ta blija vetë”, ka thënë ai.

Ai ka treguar se këtë ilaç duhet ta blinte çdo tri javë pasi që kështu e ka të përcaktuar ta merrte terapinë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë