Loading…

Qytetarë, do të dënoheni edhe ju nëse përdorni taksit ilegalë

  • 19/02/2017 | 16:38

Qytetarë, do të dënoheni edhe ju nëse përdorni taksit ilegalë

Nga lansimi i 30 autobusëve të rinj komuna e Prishtinës është bërë pak më serioze sa i përket operimit të taksistëve ilegalë në qytet.


Në njoftim të kësaj komune, thuhet se tashmë me Drejtorinë e Inspeksionit janë vazhdimisht në terren duke krijuar kushte për punë të mëtutjeshme të Trafikut Urban. Kështu komuna njofton se do të ndërmarrë masa ndaj çdo operatori ilegal që e hasin, si dhe ndaj qytetarëve që shfrytëzojnë operatorët e tillë.

Kështu komuna thotë se tashmë është ngritur kualiteti i shërbimeve dhe Trafiku Urban është funksional më shumë se kurrë dhe u bënë thirrje qytetarëve që të heqin dorë nga taksitë ilegale.

“Në linjat 4 dhe 1 janë sistemuar 30 autobusët e rinj, dhe sapo të vinë edhe 21 të tjerë do të mbulohet edhe linja 3. Tashmë, kualiteti i shërbimeve është rritur, me ç’rast transporti publik po bëhet tërheqës për qytetarët. Duke iu falënderuar të gjithë qytetarëve për ndihmën që kanë dhënë dhe po japin për zhvillime të tilla pozitive në Prishtinë, iu bëjmë thirrje që të heqin dorë nga transporti ilegal, ashtu që ta fuqizojmë edhe më shumë, edhe më shpejtë, ndërmarrjen tonë publike”, thuhet në njoftimin e komunës. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë