Qytetari kap momentin kur rrufeja e fuqishme godet në Ferizaj

Është publikuar një video në rrjetet sociale, e momentit kur rrufeja goditi mbrëmë në një pjesë të Ferizajt, shkruan Gazeta Metro.

Mbrëmë në Kosovë ka pasur stuhi e reshje të mëdha të shiut, të cilat janë shoqëruar me bubullima dhe rrufe.

Rrufe thuajse ka pasur në të gjithë vendin, por numër më të madh të tyre ka pasur në Ferizaj, Pejë e Suharekë.

Madje dje në Pejë ka vdekur një person si pasojë e goditjes nga rrufeja.

Në rrjetet sociale janë publikuar edhe disa pamje të momentit kur rrufeja goditi mbrëmë në një pjesë të qytetit Ferizajt.

Ndërkaq Instituti Hidrometeorologjik i Kosovës (IHMK) njofton se sot mbi vendin tonë do të mbajë mot me diell dhe vranësira të cilat në pjesën e dytë të ditës vende-vende do të shoqërohen me riga shiu dhe shkarkime rrufesh.

Temperaturat minimale do të lëvizin ndërmjet 12-14 gradë celsius, ndërsa maksimalet e ditës parashihen të lëvizin ndërmjet 26-29 gradë celsius.

Indeksi UV mbetet në vlerat e rrezikut, prandaj sugjerohet që nga ora 9-17 mundësisht të mos ju ekspozohemi rrezeve direkte të diellit.

Do të fryjë erë nga drejtimi i veriperëndimit dhe jugperëndimit me shpejtësi 1- 8m/s. /gazetametro.net