Loading…

Rahoveci triumfon ndaj Sigal Prishtinës

  • 01/12/2021 | 21:27

Rahoveci triumfon ndaj Sigal Prishtinës

Rahoveci ka shënuar fitore ndaj Sigal Prishtinës me rezultat 93:76 (26:24, 21:14, 19:15, 27:23), në kuadër të javës së 12-të të Art Motion Superligës së Kosovës në basketboll.

Fillimi i ndeshjes ishte i barabartë dhe gjatë gjithë çerekut të parë, herë njëra skuadër kalonte në epërsi dhe herë tjetra, pa arritur të shkëputeshin në rezultat, ndërsa kjo pjesë përfundon me rezultat 26:24.

Në periudhën e dytë më të mirë ishin vendasit, që ishin në epërsi konstante, kurse në fund të pjesës së parë arritën epërsinë më të lartë 47:36, kurse pjesa e parë përfundon me rezultat 47:38.

Vendasit për një nuancë ishin më të mira edhe në periodën e tretë, duke mos lënë prishtinasit të afroheshin në rezultat, kurse epërsinë më të lartë e arritën në 16 pikë, 63:47, ndërsa shifrat në semafor pas 30 minutash ishin 66:53.

Vreshtarët menaxhuan lojën në dhjetë minutat e fundit, duke shënuar fitore me rezultat 93:76.

Te Rahoveci u dallua Milik Yarbough me 20 pikë e tetë kërcime, kurse te Sigal Prishtina u dallua Jan Palokaj me 18 pikë.

Rahoveci ka tri fitore dhe nëntë humbje, kurse Sigal Prishtina ka gjashtë fitore dhe gjashtë humbje.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë