Rama hidhet ‘në sulm’ e ua bllokon vendimmarrjen aksionarëve që i emëroi opozita, ka një paralajmërim për ta

Kryetari i Prishtinës, Përparim Rama ka bllokuar vendimmarrjen e aksionarëve të ndërmarrjeve publike që u emëruar dje nga opozita (VV, AAK, Nisma), pas krijimit të shumicës në Kuvendin e Prishtinës.

Ai, këtë gjë e ka bërë duke shkarkuar aksionarët që ka emëruar vetë ai, për ta pamundësuar funksionimin e aksionarëve të emëruar nga Kuvendi Komunal.

“Komisionet komunale të aksionarëve nuk mund të mblidhen dhe të marrin vendime pa qenë të plotësuara në përbërje të plotë sic e përcakton ligji, një anëtar i emëruar nga kryetari dhe një anëtar nga Kuvendi Komunal”, ka shkruar Rama.

Rama ka paralajmëruar se çdo vendim i nxjerrë kundërligjshëm në Komunën e Prishtinës, do të “atakohet” me procedura gjyqësore.