Rama, lufta e UÇK’së ishte e drejtë: Nesër Marshojmë për Drejtësi

Kryetari i Prishtinës, Përparim Rama, me një postim në rrjetin social Facebook, e ka mbështetur Marshin e Drejtësisë që do të mbahet nesër në përkrahje të ish-krerëve të UÇK’së të cilët po mbahen në Hagë, shkruan Gazeta Metro.

Rama tha se nesër duhet të marshojmë që ti tregojmë gjithë botës se krimet e luftës të kryera në Kosovë, janë kryer nga aparati shtetërorë serb.

Ai tha se krimet Serbisë në Kosovë kanë mbetur të pandëshkuara.

Postimi i plotë: 

“Me besimin e thellë se lufta e UÇK-së ishte luftë e drejtë e lindur nga populli, marshojmë edhe që t’i rikujtojmë publikut vendas dhe atij ndërkombëtar se shumica dërrmuese e krimeve çnjerëzore të kryera gjatë kohës së luftës nga aparaturat shtetëtore e paramilitare të Serbisë mbi popullsinë civile të Kosovës mbeten të pandëshkuara, e rrjedhimisht përqindja më e madhe e kryesve të atyre krimeve padrejtësisht të lirë. Prandaj, nesër #MarshojmëPërDrejtësi për viktimat e luftës!”.