Rama për ujdinë Kurti-Vucic në Ohër: Shpresojmë që nuk është një mashtrim tjetër ballkanik

Sot Kosova dhe Serbia arritën dakordimin për fillimin e zbatimit të planit implementues të aneksit që del nga plani franko-gjerman, e për këtë në rrjetin social Twitter ka reaguar kryeminstri i Shqipërisë Edi Rama, shkruan Gazeta Metro.

Ai uroi që kjo mos të jetë një “mashtrim ballkanik” por të gjejë implementim në teren.

Rama marrëveshjen e sontme e cilësoi si historike.

“Le të shpresojmë se djalli nuk fshihet në detaje sonte dhe se marrëveshja e rënë dakord, por jo e nënshkruar, nuk është një mashtrim tjetër ballkanik! Përndryshe kjo do të ishte një arritje historike që do të njoftonte një pranverë të shumëpritur në marrëdhëniet midis dy vendeve🇦🇱🇷🇸 më të mëdha të Ballkanit”, ka shkruar Rama.

Let’s hope that devil is not hiding in details tonight and that the agreed but not signed agreement is not another Balkan trickery! Otherwise this would be a historic achievement that would announce a long-awaited spring in the relations between the two largest Balkan nations🇦🇱🇷🇸

— Edi Rama (@ediramaal) March 18, 2023

Kujtojmë që sot, pas thuajse 12 orë bisedime intenzive, e disa herë me ndërprerje, më në fund u arrit marrëveshja për implementimin e planit të zbatimit që del nga plani franko-gjerman./gazetaemetro.net