Loading…

Rama pritet me nderime ushtarake, e ai me atlete ‘Adidas’ (Video)

  • 12/07/2017 | 21:26

Rama pritet me nderime ushtarake, e ai me atlete ‘Adidas’ (Video)

Kryeministri shqiptar Edi Rama, edhe sot në Samitin e Triestes në Itali, ku po merrnin pjesë përveç liderëve të rajnit, edhe ata të Gjermanisë, Francës, Italisë, e Britanisë, ka befasuar me paraqitjen e tij të stilit të veshjes.


Në Samitin e Triestes, që është proces i Nismës së Berlinit, Rama mori vëmendjen e të gjitha medieve, pasi derisa pritej nga uniformat e Gardës së Italisë, me nderime ushtarake, ai ecte pranë tyre i veshur në një stil krejt të pazakontë. Rama kishte kostumin e tij e kishte kombinuar me atlete të markës gjermane ‘Adidas’, shkruan gazetametro.net.

Rama përmes një postimi në Facebook, këtë samit e ka cilësuar si inkurajues për ecurinë europiane të rajonit, e edhe për Shqipërinë, që këtë herë sipas tij, është e para në listën e projekteve të fituara për financim.

Stil të ngjashëm, e edhe më ekstravagant të veshjes Rama kishte aplikuar në një takim të më hershëm në Bruksel, që shefja e diplomacisë evropiane, Federica Mogherini, kishte organizuar për kryeministrat e rajonit.

Ngjashëm, i veshur i tëri sportiv, Rama e kishte zhvilluar edhe të gjithë fushatën e zgjedhjeve parlamentare në Shqipëri, zgjedhje të cilat i fitoi bindshëm. /gazetametro.net


Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë